Çakra nədir?

Çakra qədimi Hindistan dili olan Sanskrit dilindən tərcümədə çarx, dairə deməkdir. Və bədəndəki enerji mərkəzlərini bildirir. Aşağıdan yuxarıya doğru 7 əsas çakramız vardır. Hər biri müəyyən orqanlarla və bədəndəki sinirlərlə əlaqəlidir. Çakralarımız balanslı olduqda biz daha sağlam, xoşbəxt oluruq, hisslərimizi dərindən yaşayırıq və eyni zamanda sezgilərimiz güclənir. Burada enerjiler bloklandıqda isə həmin bölgələrdə xəstəliklər yarana bilər və ya həmin çakranın əlaqəli olduğu mövzularla əlaqəli problemlər yaranmağa başlayar. Bəs onları necə aktiv tuta bilərik deyə soruşsanız yoga və ya meditasiyalar edə bilərik. Çox zaman insanlar söyləyirlər “ay mənim bu çakram bağlıdır”, “ay bu çakram açıqdır” əvvəlcədən söyləyim qapalı və ya açıq çakra olmur. Çakralar siz yaşadığınız müddətcə açıqdır. Bir də siz öldükdə bağlanar. Çünki bunlar sizin enerji mərkəzlərinizdir. Sadəcə daha çox istifadə edə bildiyiniz və ya bilmədiyiniz çakralar vardır.

Gəlin indi 7 çakramızı tanıyaq :

Toplam 7 çakranın alt 3-ü dünyəvi üst 3-ü isə ruhsal mövzularla əlaqəlidir. Ortadakı Ürək çakrası isə arada körpü rolu oynayır.

• Muladhara və ya kök çakra —— Bu çakra güvənlik çakrasıdır. Eyni zamanda qüvvət, fiziki fərqindəlik, ailə, pul, iş ilişkiləri ilə əlaqəlidir. Fiziki dünya ilə əlaqə yaradır. Təkamülün və insanın yüksəlməsinin təməlidir.
• Svadhisthana və ya sakral çakra —— yaradıcılıq və cinsəlliyin çakrasıdır. Yaradıcılıq, əsəb, qorxu və hisslərin alma vermə balansını ifadə edir.
• Manipura və ya solar plexus çakrası —— xarakterin, kimliyimizin, eqomuzun mərkəzidir. İradəmizlə əlaqəli çakradır. Və bu mərkəz bizim özümüzü, kimliyimizi bəlirləməklə əlaqəli olan hissədir. İçinizdəki gücü tapmaq, onu üzə çıxarmaqla əlaqəlidir.
• Ürək çakrası və ya anahatha —— Bu çakra mənə görə ən vacibidir deyə bilərəm. Həm dünyəvi ilə ruhsal arasında körpü rolunu oynayan çakradır. Həm də RUHun mərkəzidir deyə bilərəm. Çox önəmli bir çakradır. Şərtsiz sevgi, əlaqələr , qəbullanma, anı yaşama, hisslərlə əlaqəli bir mərkəzdir. Digər bir adla desək " RUHUN giriş qapısıdır " bu çakra.
• Boğaz çakrası və ya visshuddha —— Bu çakra insanın özünü ifadə etməsi, içindəkiləri çıxarmaq ilə əlaqəlidir. Bu mərkəzlə ilgili problemlər olarsa o zaman insanın boğaz nahiyəsində xəstəliklər yaranmağa başlayır.
• 3-cü göz və ya ajna çakrası —— ruhsal çakralar içində ən önəmli çakradır deyə bilərəm. Bu çakra illuziya ilə gerçəkliyin mərkəzidir. Neqativ halında insanlar illuziya içində batar qalar pozitiv halında digərlərinin görə bilmədiyi gerçəklikləri görər. İki qaşın ortasında yerləşir. Epifiz bezi ilə əlaqəlidir. Sezgilər, hisslər ilə əlaqəlidir. Təəssüf ki, istifadə etdiyimiz çox qidalar buna əks təsir göstərdiyi üçün bu çakranı aktivləşdirmək üçün çox meditasiyalar etmək lazımdır.
• Təpə və ya sahaswara çakrası —— Əsas 7 çakranın sonuncusu olan bu çakra ilahi bağlantı ilə əlaqəlidir. Aydınlanmanı, oyanmanı, fərqindəliyi, ruhsal bağlantını bildirir. Və insanın öz YÜKSƏK MƏNLİKLƏRİ ilə əlaqəyə keçməsininin mərkəzidir. Bu çakranı da tam aktivləşdirmək üçün dərin meditasiyalar etmək lazımdır.

Çakralar necə balanslaşdırılır?

Çakraları balanslaşdırmaq üçün əvvəlcə hansı çakrada problem olduğunu tapmaq lazımdır. Sonra həmin çakra üzərində meditasiya və ya çalışmalar edərək balanslaşdıra bilərsiniz. Meditasiyalarda hər bir çakranın aid olduğu bölgəni vizuallaşdıraraq həmin çakranın rəngindən istifadə etmək çox yararlı olacaq. İçinizə gələrək etdiyiniz hər bir şey doğrudur həmişə. Ona görə ruhsal olaraq çalışmalar edərkən xüsusi bir texnika axtarmayın. İçinizə gələrək və rahat bir şəkildə etdiyiniz hər şey sizin üçün ən uyğunudur. Bəs çakranın balansda olmadığını necə bilmək olar? İlk öncə enerjisəl təsirlər insanın aurasına təsir edir sonra isə həll olunmadıqca bədənə keçir. Ona görə ilk öncə gündəlik həyatda qarşınıza çıxanlara və baş verənlərə fikir verin görün sizə hansı mesajlar anlatılmaq istənir. Əgər insan həmin fərqindəliyi yaşamazsa o zaman bədəndə xəstəliklər yaranmağa başlayır. Və bir növ ruhunuz sizə siqnal verir ki, artıq bu məsələni həll et. Bədənin harasında nə baş verməsinə görə mövzular dəyişir. Onları tapıb həll etməklə də çakralarınızı balanslaşdıra bilərsiniz.

Sevgi və İşıqla ✨